Notice of Nondiscrimination: Karen

သ့ၣ်ညါ နခွဲးယာ်တဖၣ်

တၢ်မၤန့ၢ် ကျိာ်တၢ်မၤစၢၤ လၢဆူၣ်ချ့ ဒီး ပှၤဂ့ၢ်ဝီ တၢ်မၤစၢၤတဖၣ်အပူၤ

The U.S. Department of Health and Human Services (HHS, ကီၢ်အမဲရကၤ ဆူၣ်ချ့ဒီး ပှၤဂ့ၢ်ဝီတၢ်မၤစၢၤ အဝဲၤကျိၤ) အဲၣ်ဒိး မၤလီၤတံၢ်ဝဲလၢ ပှၤကိးဂၤဒဲးလၢ အမဲရကၤအပူၤ ဒိးန့ၢ်ဘၣ် ဆူၣ်ချ့တၢ်ကွၢ်ထွဲ ဒီး ပှၤဂ့ၢ်ဝီတၢ်မၤစၢၤတဖၣ် လၢအဝဲသ့ၣ်လိၣ်ဘၣ် ကသ့ န့ၣ်လီၤ. တၢ်အံၤ ပၣ်ဃုာ် ပှၤသ့ၣ်တဖၣ်လၢ ကတိၤအဲကလံးကျိာ် တဘၣ်ဂ့ၤဂ့ၤ ဒီး ပှၤတဖၣ်လၢ အအိၣ်ဒီး နီၢ်ခိက့ၢ်ဂီၤတဆူၣ်တကျၢၤတဖၣ် န့ၣ်လီၤ. HHS နာ်ဝဲလၢ ပှၤကိးဂဲၤဒဲးန့ၣ် တၢ်ကြၢး ရ့လိာ်မၤဘၣ်အီၤဂ့ၤဂ့ၤဘၣ်ဘၣ် ဒီး လၢတၢ်ပာ်ကဲအပူၤ န့ၣ်လီၤ.

HHS Office for Civil Rights (OCR, ဝဲၤဒၢးလၢ ကမျၢၢ်ခွဲးယာ်တဖၣ်အဂီၢ်) မၤလၢထီၣ်ပှဲၤထီၣ် သဲစးတဖၣ်လၢ အဒီသဒၢနၤ လၢ တၢ်ကွၢ်တလီၤတၢ် သန့ၤထီၣ်သးလၢ နစၢၤသွဲၣ်, ဖံးဘ့ၣ်အလွဲၢ်, ထံကီၢ်ဂံၢ်ထံး, မုၣ်ခွါ, သးနံၣ်, တၢ်ဘူၣ်တၢ်ဘါ, ဒီး နီၢ်ခိက့ၢ်ဂီၤတဆူၣ်တကျၢၤ လၢဆူၣ်ချ့ ဒီး ပှ့ၤဂ့ၢ်ဝီတၢ်မၤစၢၤတဖၣ်အပူၤ န့ၣ်လီၤ. HHS OCR မၤလၢထီၣ်ပှဲၤထီၣ်စ့ၢ်ကီး သဲစးတဖၣ်လၢ အဒီသဒၢ နီၢ်တဂၤတၢ်ဂ့ၢ်ခူသူၣ် ဒီး နကသံၣ်ကသီ တၢ်မၤနီၣ်မၤဃါတဖၣ် အတၢ်ဘံၣ်တၢ်ဘၢ န့ၣ်လီၤ.

တၢ်ဂ့ၢ်လိာ်နၤ ဆူၣ်ချ့တၢ်ကွၢ်ထွဲတၢ်ကျၢၢ်ဘၢ မ့တမ့ၢ် တၢ်ကူစါယါဘျါ တသ့ဘၣ် ခီဖျိလၢ နစၢၤသွဲၣ်, ဖံးဘ့ၣ်အလွဲၢ်, ထံကီၢ်ဂံၢ်ထံး, မုၣ်ခွါ, သးနံၣ်, တၢ်ဘူၣ်တၢ်ဘါ, မ့တမ့ၢ် နီၢ်ခိက့ၢ်ဂီၤတဆူၣ်တကျၢၤဘၣ်အဃိ လၢဆူၣ်ချ့တၢ်ကွၢ်ထွဲတၢ်မၤစၢၤ ဒီး တၢ်ရဲၣ်တၢ်ကျဲၤ အါတက့ၢ်တဖၣ် အပူၤ န့ၣ်လီၤ.

ကျိာ်တၢ်မၤစၢၤလၢ ပှၤကိးဂၤအဂီၢ် – ခွဲးယာ်တဖၣ်လၢ အရ့ဒိၣ်

• တၢ်ပာ်လီၤတ့ၢ်နၤ, ဂ့ၢ်လိာ်နၤ တၢ်ဘျူးတၢ်ဖှိၣ်တဖၣ် မ့တမ့ၢ် တၢ်ကွၢ်တလီၤနၤ ခီဖျိ ပှၤဟ့ၣ်လီၤဆူချ့တၢ်မၤစၢၤတဂၤဂ့ၤတဂၤဂ့ၤ, ဒ်သိး ကသံၣ်သရၣ်တဖၣ်, နၢး(စ)တဖၣ်, တၢ်ဆါဟံၣ်တဖၣ်, ကသံၣ်ဒၢးတဖၣ်, မ့တမ့ၢ် ပှၤဂ့ၢ်ဝီ တၢ်မၤစၢၤတဖၣ် တသ့ဘၣ် န့ၣ်လီၤ.
• နအိၣ်ဒီး ခွဲးယာ်လၢ ကဒိးန့ၢ် ဆူၣ်ချ့တၢ်ကွၢ်ထွဲလၢ နီၢ်ကစၢ် မ့တမ့ၢ် လၢအယံၤ, အပၣ်ဃုာ် telehealth, ပှာ်ယဲၤသန့, ဒီး လီတဲစိ အဲး(ပ)တဖၣ်, လၢတအိၣ်ဒီး တၢ်ကွၢ်တလီၤအပူၤဘၣ် န့ၣ်လီၤ.
• နပှၤဟ့ၣ်လီၤဆူၣ်ချ့တၢ်မၤစၢၤတဖၣ် အလိၣ်အိၣ်လၢ ကဘၣ်မၤလီၤတံၢ်ဝဲလၢ အဝဲသ့ၣ်ဆဲးကျိးတၢ်ဒီးနၤသ့ လၢကျဲတဘိလၢ နနၢ်ပၢၢ်အဝဲသ့ၣ်သ့ ဖဲနလိၣ်ဘၣ် အဝဲသ့ၣ်အတၢ်ကွၢ်ထွဲ မ့တမ့ၢ် တၢ်မၤစၢၤတဖၣ်အခါ န့ၣ်လီၤ.
• နၤ မ့တမ့ၢ် ပှၤအဂၤတဂၤ ကတိၤအဲကလံးကျိာ် မ့ၢ်တဘၣ်ဂ့ၤဂ့ၤ မ့တမ့ၢ် နဖး, ကွဲး, ကတိၤ မ့တမ့ၢ် နၢ်ပၢၢ် အဲကလံးကျိာ် မ့ၢ်တသ့ဂ့ၤဂ့ၤဘၣ်န့ၣ်, နမၤန့ၢ်တၢ်မၤစၢၤဒီး ကျိာ်တၢ်မၤစၢၤတဖၣ် (ဒ်သိး တၢ်ကတိၤကျိးထံတၢ် မ့တမ့ၢ် တၢ်ကွဲးကျိာ်ထံတၢ်) လၢတၢ်လၢာ်ဘူၣ်လၢာ်စ့ၤတအိၣ် လၢနပှၤဟ့ၣ်လီၤဆူၣ်ချ့တၢ်မၤစၢၤ အအိၣ် သ့န့ၣ်လီၤ.
• အလိၣ်တအိၣ်လၢ နကဘၣ်ဟဲကိး နနီၢ်ကစၢ်ဒၣ်ဝဲ အပှၤကတိၤကျိးထံတၢ်ဘၣ်, ဟ့ၣ်ဘူးလဲ လၢပှၤကတိၤကျိးထံတၢ်အဂီၢ်ဘၣ်, မ့တမ့ၢ် သန့ၤထီၣ်သးလၢ ဖိသၣ် မ့တမ့ၢ် ဟံၣ်ဖိဃီဖိလၢ ကကတိၤကျိးထံတၢ် လၢနဂီၢ်ဘၣ် န့ၣ်လီၤ.
• နမ့ၢ်အိၣ်ဒီး နီၢ်ခိက့ၢ်ဂီၤတဆူၣ်တကျၢၤတမံၤန့ၣ်, နမၤန့ၢ် တၢ်ပီးတၢ်လီတဖၣ် ဒီး တၢ်မၤစၢၤတဖၣ်သ့, လၢတၢ်ကိးအီၤလၢ တၢ်ဆီၣ်ထွဲ အတၢ်တိစၢၤမၤစၢၤ ဒီး တၢ်မၤစၢၤတဖၣ်, လၢကမၤစၢၤ နနၢ်ပၢၢ် တၢ်ဂ့ၢ်တၢ်ကျိၤ, လၢတၢ်လၢာ်ဘူၣ်လၢာ်စ့ၤတအိၣ်, လၢနပှၤဟ့ၣ်လီၤဆူၣ်ချ့တၢ်မၤစၢၤအအိၣ် သ့လီၤ.

နဃုထံၣ်န့ၢ်အါထီၣ် တၢ်ဂ့ၢ်တၢ်ကျိၤသ့ ဖဲလဲၣ်.

လၢတၢ်မၤစၢၤဘၣ်ဃးဒီး တၢ်မၤန့ၢ်ကျိာ်တၢ်မၤစၢၤအဂီၢ်, လဲၤဆူ- www.hhs.gov/LanguageAccess.

လၢတၢ်မၤစၢၤဘၣ်ဃးဒီး ကမျၢၢ်ခွဲးယာ်တဖၣ် ဒီး ဆူၣ်ချ့တၢ်ဂ့ၢ်တၢ်ကျိၤတၢ်ပာ်ခူသူၣ်အဂီၢ်, လဲၤဆူ- www.hhs.gov/ocr.

နကဘၣ်ပတံထီၣ် တၢ်ကဒူးကဒ့ၣ် ဒ်လဲၣ်.

နမ့ၢ်ဆိကမိၣ်လၢ နၤ မ့တမ့ၢ် ပှၤအဂၤတဂၤန့ၣ် ဘၣ်တၢ်ရ့လိာ်မၤဘၣ်အီၤလၢ ကျဲလၢတကြၢးတဘၣ်အပူၤ မ့တမ့ၢ် တၢ်ကွၢ်တလီၤအဝဲသ့ၣ် သန့ၤထီၣ်အသးလၢ အစၢၤသွဲၣ်, ဖံးဘ့ၣ်အလွဲၢ်, တၢ်လီၢ်လၢအဝဲသ့ၣ်ဟဲ, မုၣ်ခွါ, သးနံၣ်, မ့တမ့ၢ် နီၢ်ခိက့ၢ်ဂီၤတဆူၣ်တကျၢၤ အဖီခိၣ်, မ့တမ့ၢ် နမ့ၢ်ဆိကမိၣ်လၢ နၤ မ့တမ့ၢ် ပှၤအဂၤတဂၤ အဆူၣ်ချ့ တၢ်ဂ့ၢ်တၢ်ကျိၤန့ၣ် တၢ်တပာ်ခူသူၣ်အီၤဘၣ်န့ၣ်, နတဲဘၣ် HHS OCR သ့လီၤ.

• ပှၤအဂၤတဂၤ, ဒ်သိး ဟံၣ်ဖိဃီဖိ, တၢ်ကရၢကရိမၤစၢၤနၤ, တံၤသကိး, မ့တမ့ၢ် ပှၤမၤသကိးတၢ်, ပတံထီၣ်န့ၢ်နၤ တၢ်ကဒူးကဒ့ၣ်လၢ နဂီၢ် သ့လီၤ.
• HHS OCR ဟ့ၣ်လီၤဝဲ တၢ်ဂ့ၢ်တၢ်ကျိၤလၢ အက့ၢ်အဂီၤလီၤဆီတဖၣ်အပူၤသ့ (ဒ်သိး ပှၤမဲာ်ဘျီၣ်အကျိာ် မ့တမ့ၢ် လံာ်ဖျၢၣ်ဖးဒိၣ်) ဒီး ဟ့ၣ်လီၤဝဲ တၢ်မၤစၢၤတလၢာ်ဘူၣ်လၢာ်စ့ၤတဖၣ်လၢ ကမၤစၢၤ နၤ, ဒ်သိး ပှၤနၢ်တအၢ ကတိၤတၢ်တသ့အဂီၢ် တၢ်မၤစၢၤ မ့တမ့ၢ် တၢ်ကျိးထံ တၢ်မၤစၢၤ န့ၣ်လီၤ.
   

တၢ်ပတံထီၣ် တၢ်ကဒူးကဒ့ၣ် မ့တမ့ၢ် တၢ်ဆဲးကျိး HHS OCR-
ပှာ်ယဲၤသန့- www.hhs.gov/ocr | အံမ့(လ)- [email protected] | လီတဲစိ- 1-800-368-1019 | 
TDD- 1-800-537-7697
Community-University Health Care Center (CUHCC)